Исгэсэн хүнс яагаад бидний хоолонд хэрэгтэй вэ?

Сүүлийн үед исгэсэн хүнс буюу fermented foods их яригдах болсон. Үүнд кимчи, кефир, тараг, даршилж исгэсэн ногоо, исгэсэн байцаа зэрэг орно.

Исгэлтийн явцад хүнсний амт, бүтэц өөрчлөгдөхийн зэрэгцээ зарим төрлийн ашигтай бичил биетүүд үүсдэг. Тиймээс исгэсэн хүнсийг гэдэсний бичил орчныг дэмжихэд тустай хүнсний нэг төрөл гэж үздэг.

Исгэсэн байцаа нь өөрөө витамин C, витамин K болон эслэг агуулдаг. Эслэг нь өдөр тутмын хооллолтын чухал хэсэг бөгөөд исгэсэн хүнсийг бусад төрөл бүрийн хүнстэй хамт хэрэглэхэд хоолны төрөлжилтийг нэмэх давуу талтай.

Гэхдээ “их идэх тусам сайн” гэсэн үг биш. Бага хэмжээгээр, тогтмол хэрэглэж, өөрийн биед хэрхэн тохирч байгааг ажиглах нь илүү зөв.

Дараагийн нийтлэлээр исгэсэн байцааг гэртээ зөв хийхдээ юуг анхаарах талаар хуваалцана.